Cód Cleachtais Chóras Staidrimh na hÉireann

‘Nuashonrú Bliantúil 2024 – Cód Cleachtais Chóras Staidrimh na hÉireann’

Tuarascáil Bhliantúil an Ard-Stiúrthóra 2024

Is é seo an t-uasdátú bliantúil don bhliain 2024 ar Chód Cleachtais Chóras Staidrimh na hÉireann (CCCSÉ). Is é is aidhm do Dheimhniú CCCSÉ iontaoibh, muinín agus trédhearcacht a fheabhsú sna Staidrimh Oifigiúla a tháirgeann agus a scaipeann an Córas Staidrimh Náisiúnta (NSS), a neamhspleáchas, a sláine agus a bhfreagracht a threisiú, agus cáilíocht a Staidreamh Oifigiúil a fheabhsú.

Bhí rannpháirtíocht agus comhoibriú fairsing ann i rith 2024 idir an Phríomh-Oifig Staidrimh agus ár gcomhpháirtithe ar fud an Chórais Staidrimh Náisiúnta maidir le tiomantas a fhorbairt don dea-chleachtas i dtáirgeadh Staidreamh Oifigiúil faoi CCCSÉ agus bhain na heagraíochtaí seo a leanas deimhniú amach do raon staidreamh oifigiúil:

• an Roinn Coimirce Sóisialaí (2 tháirge deimhnithe)
• an Roinn Sláinte (2 tháirge deimhnithe)
• an Bord Taighde Sláinte (7 dtáirge deimhnithe)

Chuir roinnt eagraíochtaí eile tús le próiseas CCCSÉ in 2024 agus tá dul chun cinn maith á dhéanamh acu d’fhonn deimhniú a bhaint amach in 2025. Leanfaidh an Phríomh-Oifig Staidrimh de thacaíocht agus treoir a chur ar fáil do na heagraíochtaí sin chun cabhrú leo a n-iarratais CCCSÉ a bhrú chun cinn.

Tá an Phríomh-Oifig Staidrimh an-bhuíoch as an tacaíocht agus an rannpháirtíocht leanúnach a fuair sí ón gCóras Staidrimh Náisiúnta maidir leis an tionscnamh suntasach seo a chur i bhfeidhm ar bhonn leanúnach, rud a neartaíonn cumas eagraíochtaí freastal ar riachtanais náisiúnta agus AE araon. Tá an Phríomh-Oifig Staidrimh ag súil go leanfar den dlúthchomhar sin lenár gcomhpháirtithe in 2025.

 ___________________

Jennifer Banim

An tArd-Stiúrthóir

An Phríomh-Oifig Staidrimh